Plantun de Prouvènço

Pèr coumpara dos planto d'encò nostre

Hordeum marinum & Cyperus esculentus

Estranglo-bèsti

Hordeum marinum

Poaceae Graminaceae

Àutri noum : Estranglo-chivau, Trauco-sa, Sauto-roubin.

Nom en français : Orge marine.

Descripcioun :
L'òrdi-marin èi coumun dins li prado salado gourgado d'aigo en ivèr. Flouris la primo e l'estiéu, la planto es un pau verdalo. Se destrìo de l'estranglo-chivau, proun coumuno d'en pertout, que sis espigueto toumbon un cop maduro. Èi peréu uno planto de l'an au contre de Hordeum secalinum. Verifica peréu que i'ague ges d'auriheto sus la fueio (Hordeum murinum). La subsp. presentado eici, èi marinum (espigueto esterlo de coustat emé de glumo diferènto).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Hordeum
Famiho : Poaceae
Famiho classico : Graminaceae
Tribu : Triticeae
Ordre : Poales

Coulour de la flour : Verdo
Petalo : ges
Ø (o loungour) enflourejado : 2,5 à 4 cm
Flourido : Printèms - Estiéu

Sòu : Na
Autour basso e auto : Pancaro entresigna
Aparado : Noun
Remarco : Planto de coustiero
Mai à avoust

Liò : Prado salado
Estànci : Termoumediterran à Mesoumediterran
Couroulougi : Éurimediterrano
Ref. sc. : Hordeum marinum Huds., 1778

Triangle(-manjadis)

Cyperus esculentus

Cyperaceae

Nom en français : Souchet comestible.

Descripcioun :
Lou triangle-manjadis trachis dins li limas de ribiero o li culturo. Pèr l'ouro n'i'a pas gaire au nostre, soulamen un pau au couchant. Se recounèis à sis enflourejado jauno daurado e subretout à si cabosso o tubercule. Douno un pau d'èr à Cyperus rotundus que fai de cabosso negro. La varieta presentado eici, Leptostachyus, èi naturalisado (óurigino Americo de l'uba).

Usanço :
Coume lou dis soun noum es uno planto manjadisso. En Espagno s'adoubo emé lou tubercule l'horchata de chufa, valènt-à-dire l'ourjado de triangle. Se fai tambèn un òli de qualita, richo en vitamino E e bon pèr la pèu.